*സ്വാതന്ത്ര്യദിനാഘോഷം*

പെരിങ്ങാടി: ശ്രീ കാഞ്ഞിരമുള്ള പറമ്പ് ഭഗവതി ക്ഷേത്രം ഗംഗാധരൻമാസ്റ്റർ സ്മാരക വായനശാല ഗ്രന്ഥാലയത്തിന്റെ ആഭിമുഖ്യത്തിൽ 80-ാമത് സ്വാതന്ത്ര്യദിനം ആഘോഷിച്ചു. ഗൗരി നന്ദയുടെ വന്ദേമാതരത്തോടെയാണ് ചടങ്ങുകൾ ആരംഭിച്ചത്. തുടർന്ന് വിമുക്തഭടൻ പൊത്തങ്ങാട്ട് നാരായണൻ ദേശീയപതാക ഉയർത്തി.

വായനശാല പ്രസിഡന്റ് സി.വി. രാജൻ പെരിങ്ങാടി സ്വാതന്ത്ര്യദിന സന്ദേശം നൽകി. ചടങ്ങിൽ അഗ്നിവീർ എം അഭിജിത്ത്നെ ക്ഷേത്ര പ്രസിഡന്റ് ടി.പി. ബാലൻ ആദരിച്ചു.

ക്ഷേത്ര സെക്രട്ടറി പി.കെ. സതീഷ് കുമാർ അധ്യക്ഷത വഹിച്ചു. വായനശാല സെക്രട്ടറി ഹരീഷ് ബാബു സ്വാഗതവും ഖജാൻജി രൂപേഷ് ബ്രഹ്മം നന്ദിയും പറഞ്ഞു. തുടർന്ന് മധുരവിതരണം നടന്നു.