രാമവിലാസത്തിൽ സ്വാതന്ത്ര്യദിനാഘോഷത്തിന് തുടക്കം; എൻ.സി.സി. തിരംഗ റാലി*

ചൊക്ലി: സ്വാതന്ത്ര്യദിനാഘോഷങ്ങളുടെ പ്രചാരണാർഥം ചൊക്ലി രാമവിലാസം ഹയർ സെക്കൻഡറി സ്കൂളിലെ എൻ.സി.സി. യൂണിറ്റിന്റെ നേതൃത്വത്തിൽ തിരംഗ റാലി നടത്തി. 6-ാം കേരള ബെറ്റാലിയൻ എൻ.സി.സി., തലശ്ശേരിയുടെ കീഴിലുള്ള യൂണിറ്റാണ് റാലി സംഘടിപ്പിച്ചത്.

ഹെഡ്മിസ്ട്രസ് എൻ. സ്മിത റാലി ഫ്ലാഗ് ഓഫ് ചെയ്തു. ദേശീയബോധം വളർത്തുന്നതിനും സ്വാതന്ത്ര്യദിനത്തിന്റെ പ്രാധാന്യം വിദ്യാർഥികളിലെത്തിക്കുന്നതിനുമായി നടത്തിയ റാലിയിൽ 75 കാഡറ്റുകൾ പങ്കെടുത്തു. എൻ.സി.സി. ഓഫീസർ ടി.പി. രാവിദും ട്രെയിനർ ഹവിൽദാർ മുകേഷ് കുമാറും നേതൃത്വം നൽകി.

സ്വാതന്ത്ര്യദിനാഘോഷങ്ങളുടെ ഭാഗമായി ക്വിസ്, പോസ്റ്റർ നിർമാണം തുടങ്ങിയ മത്സരങ്ങളും സംഘടിപ്പിക്കും.