രാമായണ–മഹാഭാരത പ്രശ്നോത്തരി; അമൽ വിനോദിന് ഒന്നാം സ്ഥാനം

ന്യൂ മാഹി: പെരിങ്ങാടി ശ്രീ കാഞ്ഞിരമുള്ളപറമ്പ് ഭഗവതി ക്ഷേത്രത്തിൽ രാമായണമാസാചരണത്തിന്റെ ഭാഗമായി സംഘടിപ്പിച്ച "പുരാണേതിഹാസങ്ങളിലൂടെ പ്രശ്നോത്തരി" മത്സരത്തിൽ അമൽ വിനോദ് ഒന്നാം സ്ഥാനം നേടി. കവിത ഹരീന്ദ്രൻ രണ്ടാം സ്ഥാനവും ഷീന സജീവ് മൂന്നാം സ്ഥാനവും നേടി.

ക്ഷേത്ര മേൽശാന്തി ബ്രഹ്മശ്രീ മാടമന ഈശ്വരൻ നമ്പൂതിരിയുടെ നേതൃത്വത്തിൽ ക്ഷേത്ര ഓഡിറ്റോറിയത്തിൽ നടന്ന മത്സരത്തിൽ വിവിധ പ്രായവിഭാഗങ്ങളിലുള്ള നിരവധി പേർ പങ്കെടുത്തു. രാമായണവും മഹാഭാരതവും ആസ്പദമാക്കിയുള്ള ചോദ്യങ്ങളായിരുന്നു മത്സരത്തിൽ ഉൾപ്പെടുത്തിയത്. വിജയികൾക്ക് സമ്മാനങ്ങൾ വിതരണം ചെയ്തു.

മത്സരത്തിനും അനുബന്ധ പരിപാടികൾക്കും ക്ഷേത്ര ഭാരവാഹികൾ നേതൃത്വം നൽകി.