അന്താരാഷ്ട്ര യോഗദിനം: മൈ ഭാരത് മാഹി ഫോട്ടോ മത്സരം സംഘടിപ്പിക്കുന്നു

മാഹി: അന്താരാഷ്ട്ര യോഗദിനം 2026 നോടനുബന്ധിച്ച് My Bharat Mahe Kendra യുവജനങ്ങൾക്കായി യോഗ ഫോട്ടോഗ്രാഫി മത്സരം സംഘടിപ്പിക്കുന്നു. 15 മുതൽ 35 വയസ് വരെ പ്രായമുള്ള മാഹി ജില്ലയിലെ യുവജനങ്ങൾക്കാണ് മത്സരത്തിൽ പങ്കെടുക്കാൻ അവസരം.
പങ്കെടുക്കുന്നവർ വീടുകളിലോ അനുയോജ്യമായ മറ്റേതെങ്കിലും സ്ഥലങ്ങളിലോ യോഗാസനം ചെയ്യുന്ന ചിത്രം പകർത്തി ഓൺലൈൻ രജിസ്ട്രേഷൻ ഫോമിലൂടെ അപ്‌ലോഡ് ചെയ്യണം. ഓരോ മത്സരാർത്ഥിക്കും ഒരു ചിത്രം മാത്രമേ സമർപ്പിക്കാനാകൂ. എഡിറ്റ് ചെയ്തതോ തെറ്റിദ്ധരിപ്പിക്കുന്നതോ അനുചിതമായതോ ആയ ചിത്രങ്ങൾ അയോഗ്യരാക്കും.
രജിസ്ട്രേഷനും ഫോട്ടോ സമർപ്പണവും ജൂൺ 17-നകം പൂർത്തിയാക്കണം. സംഘാടകരുടെ തീരുമാനം അന്തിമമായിരിക്കും. മാഹി ജില്ലയിലെ സ്ഥിരതാമസക്കാർക്ക് മാത്രമാണ് മത്സരത്തിൽ പങ്കെടുക്കാൻ അർഹത.
ഫോട്ടോ സമർപ്പിക്കാനുള്ള രജിസ്ട്രേഷൻ ഫോം: forms.gle
അവസാന തീയതി: ജൂൺ 17, 2026.
പ്രായപരിധി: 15–35 വയസ്.
സംഘാടനം: My Bharat Mahe Kendra.