ഇങ്ങനെ ഒരു പാലക്കാട് പെൺകുട്ടി ഉള്ളത് നമുക്കു അഭിമാനം അല്ലെ. അത്ഭുതം തന്നെ അതുല്യ. അറിയൂ.

നമ്മുടെ ഒക്കെ വീട്ടിലെ ഇന്റർനെറ്റ് കണക്ഷനും, അടുക്കളയിലെ ഗ്യാസ് സിലിണ്ടറും, വണ്ടിയിലെ ഇന്ധനവും തടസ്സമില്ലാതെ നമുക്ക് ലഭിക്കുന്നുണ്ടെങ്കിൽ അതിനു പിന്നിൽ കടലിന്റെ ഇരുളാർന്ന ആഴങ്ങളിൽ ശ്വാസം അടക്കിപ്പിടിച്ച് പണിയെടുക്കുന്ന ഒരു പെൺകരുത്തുണ്ട്—അതുല്യ കെ.വി

പാലക്കാട് ജില്ലയിലെ പട്ടാമ്പി എന്ന കൊച്ചു ഗ്രാമത്തിൽ ജനിച്ച്, ലോകത്തിന്റെ ആഴക്കടലുകളിൽ ചരിത്രമെഴുതാൻ ഇറങ്ങിത്തിരിച്ച മലയാളിയായ അതുല്യ, ഇന്ത്യയിലെ ആദ്യത്തെ വനിതാ കൊമേഴ്സ്യൽ ഡൈവർ ആണ്

സാധാരണ സ്കൂബ ഡൈവിംഗ് എന്നത് കടലിന്റെ സൗന്ദര്യം ആസ്വദിക്കാനുള്ള വിനോദമാണെങ്കിൽ, അതുല്യ ചെയ്യുന്നത് അതിലേറെ അപകടകരമായ 'കൊമേഴ്സ്യൽ ഡൈവിംഗ്' ആണ്

കടലിനടിയിലൂടെയുള്ള വലിയ ഓയിൽ-ഗ്യാസ് പൈപ്പ് ലൈനുകൾ, ഇന്റർനെറ്റ് കേബിളുകൾ എന്നിവ കേടുപാടുകൾ വന്നാൽ അറ്റകുറ്റപ്പണികളും വെൽഡിംഗുമെല്ലാം വെള്ളത്തിനടിയിൽ ചെന്ന് ചെയ്യുന്നത് അതുല്യയാണ്

അത് ചെയ്യാനുള്ള കൊമേഷ്യൽ ലൈസൻസുള്ള ഇന്ത്യയിലെ ഏക വനിതയും അതുല്യയാണ്

നമ്മുടെ കണ്ണുകൾ കണ്ടിട്ടില്ലാത്ത ആഴക്കടലിൻ്റ ലോകത്ത് പലയിടങ്ങളിലും ഇവർ എത്തിയിട്ടുണ്ട്

തിരുവനന്തപുരത്തെ പത്മനാഭസ്വാമി ക്ഷേത്രത്തിന് പിന്നിലെ കടലിനടിയിൽ ഗുഹാമുഖങ്ങൾ പോലുള്ള വിചിത്രമായ നിർമ്മിതികൾ അതുല്യ കണ്ടെത്തിയിട്ടുണ്ട്

അതു പോലെകോഴിക്കോട് കടലിടുക്കിൽ ഡൈവ് ചെയ്തപ്പോൾ കുഞ്ഞാലി മരയ്ക്കാരുടെ ഒളിത്താവളമായി കരുതപ്പെടുന്ന ഇടത്ത് പുരാതന പടവുകളും പീരങ്കി ഉണ്ടകൾ തറച്ച പാടുകളും ഇവർ കണ്ടെത്തിയിട്ടുണ്ട്

ഇവയെല്ലാം ചരിത്രപരമായി രേഖപ്പെടുത്തണം എന്നത് അതുല്യയുടെ നീണ്ട നാളത്തെ ആഗ്രഹവും കൂടിയാണ്

കടലിനടിയിലെ ശക്തമായ അടിയൊഴുക്കുകളെയും, സ്റ്റോൺ ഫിഷ്, തിരണ്ടി തുടങ്ങിയ അപകടകാരികളായ ജീവികളെയും നേരിട്ടാണ് ഇവർ ഈ ദൗത്യങ്ങൾ പൂർത്തിയാക്കുന്നത്

കടലിൻ്റ അടിത്തട്ടിൽ ഉള്ളതൊനും നമുക്ക് സ്വന്തമല്ല എന്നും ,കടലിൻ്റ അടിത്തട്ടിലുള്ള ജീവനുകൾ നമ്മളെ പോലെ ഒരു ജീവനാണെന്നും അവയെ ശല്യം ചെയ്യാതെ അവരിൽ ഒരാളായി മാറി അവയെ ആസ്വദിക്കണം എന്നുമാണ് അതുല്യയുടെ തിയറി

നമ്മൾ കാണാത്ത കടലിന്റെ ഉള്ളറകളിൽ രാജ്യത്തിന്റെ അടിസ്ഥാന സൗകര്യങ്ങൾക്കും, ചരിത്രത്തിന്റെ അവശേഷിപ്പുകൾക്കും കാവലിരിക്കുന്ന മലയാളിയായ അതുല്യ, തീർച്ചയായും ഒരു ചരിത്രം തന്നെയാണ്

പക്ഷേ ദു:ഖത്തോടെ പറയട്ടെ വിക്കിപീഡിയയിൽ പോലും അതുല്യയുടെ ചിത്രങ്ങളോടെ അവളെ അടയാളപ്പെടുത്തി വച്ചിട്ടില്ല

ഇങ്ങനെയൊരാളെ പ്രത്യേകിച്ച് കേരളത്തിൻ്റെ അഭിമാനമായ ഈ യുവതിയെ ലോകം അറിയണം നമ്മളിലൂടെ തന്നെ അത് തുടങ്ങട്ടെ