ഹോട്ടൽ ബില്ലുകളിൽ ഇനി 'ഗ്യാസ് ചാർജ്' ഈടാക്കരുത്; കർശന നിർദേശവുമായി കേന്ദ്രം

ന്യുഡൽഹി:ഹോട്ടലുകളിലും റെസ്റ്റോറന്റുകളിലും ഭക്ഷണത്തിന് പുറമെ ഗ്യാസ് ചാർജ് (Gas Charge) എന്ന പേരിൽ അധിക തുക ഈടാക്കുന്നത് തടയാൻ കേന്ദ്ര ഉപഭോക്തൃ സംരക്ഷണ അതോറിറ്റി കർശന നിർദേശം നൽകി. നിയമം ലംഘിക്കുന്ന സ്ഥാപനങ്ങൾക്കെതിരെ കടുത്ത നടപടി സ്വീകരിക്കുമെന്നും അധികൃതർ മുന്നറിയിപ്പ് നൽകി.

* നിയമവിരുദ്ധം: ഭക്ഷണത്തിന്റെ വിലയിൽ ഇതിനകം തന്നെ പാചകവാതക ചിലവ് ഉൾപ്പെട്ടിട്ടുള്ളതിനാൽ പ്രത്യേകമായി 'ഗ്യാസ് ചാർജ്' ഈടാക്കുന്നത് ഉപഭോക്തൃ നിയമലംഘനമായി കണക്കാക്കും.

 * പരാതി നൽകാം: ഏതെങ്കിലും ഹോട്ടലുകൾ ഇത്തരം ചാർജ് ഈടാക്കിയാൽ ഉപഭോക്താക്കൾക്ക് നാഷണൽ കൺസ്യൂമർ ഹെൽപ്പ് ലൈനിൽ പരാതിപ്പെടാവുന്നതാണ്.

 * നടപടികൾ: മാർഗ്ഗനിർദ്ദേശങ്ങൾ ലംഘിക്കുന്ന ഹോട്ടലുകൾക്കെതിരെ പിഴയടക്കമുള്ള നിയമനടപടികൾ സ്വീകരിക്കും.