പി.കെ.ഉസ്മാൻ മാസ്റ്റർ അനുസ്മരണം നടത്തി

മയ്യഴി വിമോചന സമരത്തിലെ ധീര രക്തസാക്ഷി പി.കെ. ഉസ്മാൻ മാസ്റ്റരുടെ 68ാം ചരമ വാർഷികദിനത്തിൽ അനുസ്മരണവും പുഷ്പാർച്ചനയും നടത്തി. മാഹി ഐ.കെ.കുമാരൻ മാസ്റ്റർ സ്മാരക സൊസൈറ്റി സംഘടിപ്പിച്ച അനുസ്മരണ പരിപാടി ചാലക്കരയിലെ ഉസ്മാൻ മാസ്റ്ററുടെ പ്രതിമയിൽ പുഷ്പാർച്ചന നടത്തി കൊണ്ട് സൊസൈറ്റി പ്രസിഡണ്ട് ഐ.അരവിന്ദൻ ഉദ്ഘാടനം ചെയ്തു. ജന.സിക്രട്ടറി സത്യൻ കേളോത്ത് അദ്ധ്യക്ഷത വഹിച്ചു. കിഴന്തൂർ പത്മനാഭൻ, ടി.എം.സുധാകരൻ, എം.എ.കൃഷ്ണൻ, എം.സദാനന്ദൻ, കെ.വി.ഹരീന്ദ്രൻ സംസാരിച്ചു.