പള്ളൂർ-പന്തക്കൽ മേഖലയിൽ ജനജീവിതം ദു:സ്സഹമായി

മാഹി:തണ്ണീർത്തടങ്ങളും വയലേലകളും നഗ്നമായ നിയമലംഘനത്തിലൂടെ വ്യാപകമായി നികത്തിയും , പുഴയോട് ചേർന്നും പെട്രോൾ പമ്പുകൾ അനുവദിച്ചത് ജനജീവിതം ദുരിതമയമാക്കുമെന്ന് ജനശബ്ദം പ്രസിഡണ്ട് ചാലക്കര പുരുഷു അഭിപ്രായപ്പെട്ടു. പത്തായിരത്തിൽ താഴെ വാഹനങ്ങൾ മാത്രമുള്ള കേവലം 9 ചതുരശ്ര കി.മീ. വിസ്തീർണ്ണമുള്ള മാഹിയിൽ നിലവിൽ തന്നെ 25 പൊട്രാൾ പമ്പുകളുണ്ട്. ഇതിന് പുറമെയാണ് 49 പുതിയ പെട്രോൾ പമ്പുകൾ കൂടി അനുവദിക്കപ്പെടുകയാണ്. ഇത്തരമൊരു ഭീതിതമായ സാഹചര്യം ഒഴിവാക്കപ്പെടുന്നില്ലെങ്കിൽ നിലവിൽ കുടിവെള്ള ക്ഷാമം അനുഭവിക്കുന്ന ജനസാന്ദ്രമായ മാഹിയിൽ നിലവിലുള്ള കിണറുകൾ മലീമസമാകുമെന്നും അദ്ദേഹം പറഞ്ഞു.
ജലം, ജീവൻ, ജലധി സംരക്ഷണ സമിതിയുടെ കൺവൻഷൻ ഈസ്റ് പള്ളൂരിൽ ഉദ്ഘാടനം ചെയ്ത് സംസാരിക്കുകയായിരുന്നു.
പള്ളിയൻ പ്രമോദ്അദ്ധ്യക്ഷത വഹിച്ചു. പി.ടി. ദേവരാജ്,കെ.ഇ.സുലോചന എന്നിവർ സംസാരിച്ചു.