രാമായണ മാസാചരണം: ചിത്രരചനാ മത്സരം 16ന്

കോടിയേരി: ശ്രീ തൃക്കൈക്കൽ ശിവക്ഷേത്രോദ്ധാരണ കമ്മിറ്റിയുടെ നേതൃത്വത്തിൽ രാമായണ മാസാചരണത്തിന്റെ ഭാഗമായി വിദ്യാർഥികൾക്കായി ചിത്രരചനാ മത്സരം സംഘടിപ്പിക്കുന്നു. ആഗസ്റ്റ് 16 ഞായറാഴ്ച രാവിലെ 10ന് കോടിയേരി ശ്രീ തൃക്കൈക്കൽ ശിവക്ഷേത്രത്തിൽ മത്സരം നടക്കും.

യു.പി., ഹൈസ്കൂൾ, ഹയർസെക്കൻഡറി വിഭാഗങ്ങളിലെ വിദ്യാർഥികൾക്കായി ‘രാമായണ കഥ’ എന്ന വിഷയത്തിൽ ജലച്ചായ ചിത്രരചനാ മത്സരമാണ് നടത്തുന്നത്. മത്സരാർഥികൾ ക്ലാസ് തെളിയിക്കുന്ന സാക്ഷ്യപത്രവുമായി അന്നേദിവസം രാവിലെ 9.30ന് മുമ്പായി ക്ഷേത്രത്തിൽ എത്തണം.

ചിത്രരചനയ്ക്കാവശ്യമായ പേപ്പർ സംഘാടകർ നൽകും. മറ്റ് ഉപകരണങ്ങൾ മത്സരാർഥികൾ കൊണ്ടുവരണം. പങ്കെടുക്കുന്ന വിദ്യാർഥികളുടെ പേരുവിവരങ്ങൾ ആഗസ്റ്റ് 15ന് മുമ്പായി 9495614324, 9446264141, 9495414591 എന്നീ നമ്പറുകളിൽ അറിയിക്കണമെന്ന് ശ്രീ തൃക്കൈക്കൽ ശിവക്ഷേത്രോദ്ധാരണ കമ്മിറ്റി അറിയിച്ചു.